J^oâ śan van p^oȃśka ôv^tsa. Pr^oâva. Dom^oâća. Ko môgun rȅć - onȁ jedîna pr^oâva.

Već ȉjadu gȍdiść źivⁱên na vômen kȁmenu. Mojȁ vȕna mirȉśi na kadȉlu, luᵗsmarîn, pȍśoliᵗsu i bȕru or Planȉne. Jᵒâ niśᵒân dᵘôśla odoźgᵘôr. Jᵒâ niśᵒân fantaźȉja, fᵒâlśa beśȅda. Mene niśȕ deventȁli.

Jᵒâ śan mᵒâla, ma źȉlava. Govȍriju da śan or vᵘôga golᵘôga kȁmena naprȁvila najpoźnatȉji śîr na śvîtu. Mȍre bit da i jê tako kako govȍriju, ma śan vȁvik śtȉla preźivȉt i pomȍć śvojîn ᵗsobȁniman, Pᵒâśkinjamin i Pᵒâźaniman da i onȉ preźivêju.

Ma, lîpi mojȉ, îśto van pomȁlo neśtȁjen.

Brȍji śve govȍriju – śve naś je manje. Bravarȉᵗse śu śve rȅje i rȅje. Śve je manje rȗk ke me źnᵒâju śtrȉć, mȗśt i prȁvit śîr, onâko kako śu ih nȁne nauᵗsȉle. Śve je manje onîh ki me vȁvik gⁱêdaju i nôg ke śu parićᵒâne hodȉt źa menᵘôn.

Jᵒâ ȉman bilȉg da śan odovⁱêᵗs, da śan or Pᵒagȁ, ȍli kako śe to reᵗsⁱê ŹOI. To oće rȅć da śu onȉ or vᵒânka, or Evrope, potverdȉli da śan śva śvojȁ.

Ma kᵒârta me nⁱêće śpaśȉt.

Jȗdi ćeju me śpaśȉt.